Mingalapar

၁။ လူအမည်-သိဒ္ဓတ္ထ။ ၂။ ဘုရားဘွဲ့တော်-အရှင်ဂေါတမ။ ၃။ ခမည်းတော်(ဖခင် )-သုဒ္ဓေါဒနမင်း။ ၄။ မယ်တော်-မာယာဒေဝီ။ ၅။ ကြင်ယာတော်-ယသောဓရာ။ ၆။ ရင်သွေးတော်(သားတော်)-ရာဟုလာ ၇။ ယောက်ဖတော်-ဒေဝဒတ်။ ၈။ မိထွေးတော်-ဂေါတမီ။ ၉။ နေပြည်တော်-ကပိလဝတ်ပြည်။ ၁၀။ မွေးဖွားရာဌာန-လုမ္ဗိနီအင်ကြင်း ဥယျာဉ်။ ၁၁။ ဖွားဖက်တော်(၇)ဦး- ယ သောဓရာ ၊အရှင် အာနန္ဒာ၊ ကာဠုဒါယီ ၊ဆန္နအမတ် ၊ကဏ္ဍကမြင်း ဗောဓိပင်၊ရွှေအိုးကြီးလေးလုံး။ ၁၂။ နန်းစံနှစ်-ဆယ့်သုံးနှစ်။ ၁၃။ နိမိတ်ကြီးလေးပါး- သူအို သူနာ သူသေ ရဟန်း။ ၁၄။ ဗျာဒိတ်ခံယူသောဘဝ-သုမေဓာရှင်ရသေ့ဘဝ။ ၁၅။ ဗျာဒိတ်ခံယူသောနေ့-ကဆုန်လပြည့်နေ့။ ၁၆။ ဗျာဒိတ်ပေးသောဘုရား-ဒီပင်္ကရာ မြတ်စွာဘုရား။ ၁၇။ ပါရမီဖြည့်ဖက်-သုမိတ္တာအမျိုးသမီး။ ၁၈။ ပါရမီဖြည့်ခြင်း၏ ရည ်ရွယ်ချက်-သတ္တဝါများ၏ အကျိုးစီးပွားဆောင် ရွက်ရန်။ သံသရာမှ ထွက်မြှောက် ရန် ၁၉။ ပါရမီဖြည့်ရာကာလ-လေးသင်္ချေနှင် ကမ္ဘ္ဘ္ဘာတစ်သိန်း။ ၂၀။ ဒုက္ကရစရိယာကျင့်သောနှစ်-ခြောက်နှစ်။ ၂၁။ ဒုက္ကရစရိယာကျင့်သောနေရာ-ဥရုဝေဠတော။ ၂၂။ ဘုရားဖြစ်ချိန် သက်တော်-သုံးဆယ့်ငါးနှစ်ရွယ်။ ၂၃။ ဘုရားပွင့်ရာ သက်တမ်း-နှစ်တ ်ရာသက်တမ်း။ ၂၄။ အလုပ်အကျွေး-ပဉ္စဝဂ္ဂီငါးဦး(ဒုက္ကရစရိယာကျင့်ခိုက်) အရှင် အ...

 ထိုတစ်နေ့ ရွှေထီးလေးလက် ၊ ဖြန့်ဝန်းကျက်၍ ငြိမ်သက်အိပ်ပျော် ၊ နေဘိသော်လျှင် ခေါ်၍မကြား ၊ အော်မကြားချေ တရားရှုမှတ် ၊ နေဘိလတ်သို့ ပါးစပ်စေ့ကာ ၊ ချ မျက်လွှာနှင့် ခုခါရုပ်ဆင်း ၊ မပျက်ယွင်းဘဲ ဝင်းစက်သားရေ ၊ နဂိုနေနှင့် အမေသေပန်း ၊ ပွင့်လေပြီ။ မကြားချင်ဆုံး မကြည့်ချင်ဆုံး မမြင်ချင်ဆုံး အဆုံးတစ်ကွေ့  ထိုတစ်နေ့ကို မတွေ့ ရအောင် ဘယ်သို့ရှောင်လည်း ရှောင်လွှဲမရ ၊ အနိစ္စကို စိတ်ကသိလည်း ၊ ဖြေနိုင်ခဲစွ ပွဲတွေ့အပူ ၊ သဲမြေ့ဆူသည် ဘယ်သူသိနိုင်ပါ့မလဲ အမေ.....။ မေးချင်တာလေး ၊ မေး၍မရ ကျွေးချင်တာလေး ၊ ကျွေး၍မရ ပေးချင်တာလေး ၊ ပေး၍မရ မရလေလေ ၊ ရချင်လေပါ အမေမရှိ ၊ အဖေမရှိ မိဘမဲ့သား ၊ မျက်ကွယ်ထားလျက် သွားရက်ခဲ့ပြီနော် အမေ....။ အမေ့ထံပါး ၊ သမီးသားတို့ ဝပ်တွားတုပ်ကွ ၊ ကန်တော့ကြပြီ ထကာငိုကြွေး ၊ ယခင်ရှေးလို ဆုမပေးနိုင်တော့ဘူးနော် အမေ.....။ သြော်..... မေးချင်တာလေး ၊ မေး၍မရ ကျွေးချင်တာလေး ၊ ကျွေး၍မရ ပေးချင်တာလေး ၊ ပေး၍မရ ရနိုင်သူများ ၊ သတိထားဖို့ ရှိထားအမေ ၊ တာဝန်ကျေဖို့ ဆုခြွေဆင့်ပွား ၊ မေတ္တာအားဖြင့် အမေ့သား ကဗျာရေးမိပါသည် သာဓုခေါ်နိုင်ပါစေ  အမေ....။         ...

ဗေဒါလမ်းကဗျာ နေလုံးရယ်နီ တိမ်ပန်းချီနေသွေးနဲ့ နတ်ရေးသည်သို့ ဒီအကျပေမို့ အလှလတာပြင်က ကျူရိုးရှင်လှေကလေးနဲ့ မျှော်ငေးလိုလို့ သူကိုယ်သူလျှင် ဘာထင်လေမသိ ဘယ်ပြောင်းညာပြန်နဲ့ ဟိုငပျံလတာစွန်းမှာ သူ့အလွမ်းသံချည့် အိုအချင်း ကျူရိုးရှင် သူ့မူရာ သူ့အတင်း၊ မင်းဆိုခဲ့စဉ် မင်းကိုယ်လဲ မင်းပင်လျှင် ဘာထင်လို့လေလဲ မဗေဒါ စုံဆန်လမ်းမှာ၊ ပန်းပန်ခဲ့သည်ပဲ                                               ဇော်ဂျီ်

ဘယ်လိုကြိုးစားတည်ဆောက်ကြမှာလဲ? စာဖတ်သူဟာ ကြိုးစားအားထုတ်သူဖြစ်ပါလျက် မအောင်မြင် ပဲဖြစ်နေရခြင်းဟာ. . .ဘာ ို လုပ်ရမယ်ဆိုတာသိပြီး ဘယ်လိုလုပ်ရမယ်ဆိုတာကို သတိမေ့နေတာဖြစ်မှာပါ. . . နှစ်မျိုး ခွဲကြည့်ရင် . . . Work Hard နဲ့ Work Smart ဆိုပြီးတွေ့ရမှာပါ။ Work Hard ဆိုတာ က အလုပ်ကို ကြိုးစားပမ်းစားလုပ်ကိုင်တာပါ။ ဘယ်လိုလုပ် ကိုင်လဲဆိုတော့ လုပ်သာလုပ်နေတယ် . , မပြီးပြတ်ဘူး ပေါ့ ဥပမာ . . စီးပွားရေး မှာ ကြိုးစားပါလျက်နဲ့ မချမ်းသာတာ ပိုက်ဆံသေချာမစုလို့ပါ ၊ ဘယ်လိုသုံးမယ်ဆိုတဲ့ Plan မရှိလို့ပါ။ စာကျက်တဲ့အခါလည်း ဒီအတိုင်းပါပဲ မျက်လုံးထဲ စာကိုမြင်နေ ပေမယ့် စိတ်က တခြားရောက်ချင် ရောက်နေမယ် ။ အသေချာ မကျက်လို့ ဖြစ်ချင်ဖြစ်မယ် အဲဒီတော့ နောက်ဆို တစ်လုံးမှ မမှတ်မိတော့တာပါပဲ. . .။ Work Smart မှာ Plan ရှိပါတယ်။ Plan ချခဲ့တဲ့ သူတိုင်း မအောင်မြင်ကြပေမယ့် အောင်မြင်တဲ့ သူတိုင်းမှာ Plan ကိုယ်စီရှိခဲ့ကြတာကတော့ သတိပြုစရာပါ. . .။ Work Hard မဟုတ်ပဲ Work Smart ဖြစ်အောင် လုပ်နိုင်ကြပါစေ။ အောင်မြင်မှု အလီလီနဲ့ ပျော်ရွှင်နိုင်ပါစေ. .။ Ok! Let's work Smart!!!!!

တပြည်သူမရွှေထား - ( တက္ကသိုလ်ဘုန်းနိုင်) သည်ဘဝတွင် ကိုယ်ပင်လက်လျှော့ နေရစ်ပေါ့ဟု ပတ်ကျော့ခိုင်တုံး အချစ်ထုံးလျှင် လုံးလုံးမပြေ ရှိပါစေလည်း ဖြေရဖျောက်ရ လွမ်းနောင်တနှင့် ဘဝခြားသူ တပြည်သူကို မြွတ်ကြူမြခွန်း နှောင်းချစ်ပန်းနှင့် ပျံ့မွှန်းဆိုလျက် ကိုယ်နှုတ်ဆက်မည် မှားချက်သည်တွင် ဆုံးပါတော့.. . . သြော်. . .ထားရယ်. . .။ သည်တွင် ဆုံးပါစေတော့ . . . ဆုံးပါစေတော့ (ဆရာကြီးတက္ကသိုလ်ဘုန်းနိုင်၏ တပြည်သူမရွှေထား စာအုပ်မှ)

စိတ်ဓာတ်ကျတတ်ရင် မီးသွေးခဲ လုပ်မယ်လား စိန် လုပ်မှာလား မီးသွေးခဲနဲ့ စိန် ဆိုတာက မူလ ကာဗွန် ဒြပ်စင် များဖြစ်ကြပါတယ် . . မီးသွေးခဲဆိုတာ မြေကြီးရဲ့ အပေါ် ယံလောက်မှာ ပဲ လုပ်ယူ လို့ ဖြစ်ရတဲ့ အရာပါ စိန် ဆိုတာက ဟိုးးး မြေကြီးအောက် Pressure ဒဏ် တွေ အပူဒဏ်တွေ နဲ့မှ ဖြစ်လာတဲ့ အရာပါ မူလ ဒြပ်စင်တူကြသော်လည်း ဖြစ်ပေါ်လာတဲ့ ရလဒ်နဲ့ ပေးဆပ်ထားတဲ့ အတိုင်းအတာတွေ မတူကြဘူးနော် သူငယ်ချင်းတို့လည်း ဘဝမှာ စိတ်ညစ်စရာတွေ စိတ်ပျက်အားငယ်စရာတွေ အကြပ်အတည်းတွေ ကြုံလာတိုင်း ဒီ အမှန်တရားလေးကို သတိရနော် ငါမီးသွေးခဲ လုပ်မှာလား စိန်တုံး လုပ်မှာလား ဆိုတာ ကိုယ့်ဘာသာဆုံးဖြတ်နော် စိတ်ပျက်ဝမ်းနည်းစရာ အကြပ်အတည်းတွေ ကြုံလာတိုင်း ကိုယ့်ကိုယ်ကို ပြန်ကြည့် ငါစိန်တုံး ဖြစ်လာတော့မှာ ဒီ ဒဏ်တွေ ခံနိုင်မှ ဖြစ်မယ် ဆိုတာကိုတွေး ပြီး ရင်ဆိုင် အောင်မြင်မှုတွေအလီလီ ရနိုင်ကြပါစေ ကဲ သူငယ်ချင်းရေ မီးသွေးခဲ လုပ်မှာလား စိန်တုံးကြီးလုပ်မှာလား ? ဆရာတစ်ယောက်၏ သြဝါဒကို share ပါသည် . . . ။

စိတ်ချမ်းသာလို့ ကိုယ်ကျန်းမာစေချင်ရင် ၁.ဒုက္ခကိုပုံကြီးမချဲ့ပါနဲ့ ၂.မိမိအလုပ်ကို ခင် တွယ်ပါ ၃.သိမ်ငယ်စိတ်ကိုလက်မခံပါနဲ့ ၄.သူတစ်ပါးကိုအထိုက်အ လျောက်နားလည်ပေးလိုက်ပါ ၅.အချိန်ယူပြီးကုစားရမည့်ပြသနာရှိသည်ကိုနားလည်ပါ ၆.အပန်းဖြေရင်း ဝါသနာပါတဲ့တစ်ခုခုလုပ်ပါ ၇.စကားပြောဖော်ရှာပါ ၈.စိတ်စေတနာသန့်သန့် သူတစ်ပါးကို ကူညီလိုက်ပါ ၉.ပြသနာကိုခေါင်းအေးအေးထားပြီးဖြေရှင်းပါ (ဆောင်းပါးရှင် ဒေါက်တာလွင်ကို ရေးသားသည့် အချက်များကို သူငယ်ချင်းများ သိမြင် လာစေဖို့ ကူးယူဖော်ပြပါသည်)

''ဆရာမောင်စိန်ဝင်း(ပုတီးကုန်း) " ခါထုတ်လို့သာ ရစတမ်းဆိုလျှင်... ရင်မှ ဝေဒနာကို ခါထုတ်ပစ်လိုက်ချျင်၏ ဖြူ တစ်ကောင် ခါထုတ်လိုက်သည့် ဆူးများပမာ ကိုယ့်ဝေဒနာက တစ်ပါးသူကို အန္တရာယ်ဖြစ်မှာတော့ မလိုလားမိပြန် အန်ထုတ်လိုက်မှ ပေါ့ပါးသွားမည် ဆိုပါက ရင်ထဲမှ ခံစားမှုတို့ကိုအန်ထုတ်လို့ရချင်ပြန်သည် ဇီဝဇိုး ငှက်တစ်ကောင်အန်ထုတ်လိုက်သည့် ပစ္စည်းနှယ်သာ တန်ဖိုးရှိနေစေချင်တာလည်း အမှန်ပင်။ ဆရာ မောင်စိန်ဝင်း(ပုတီးကုန်း) ၏ သီင်္ဂါရမြနဒီ စာအုပ်မှ။

"မျက်ဖြေလင်္ကာ" သူတည်းတစ်ယောက်၊ ကောင်းဖို့ရောက်မူ သူတစ်ယောက်မှာ၊ ပျက်လင့်ကာသာ ဓမ္မတာတည်း။ ရွှေအိမ်နန်းနှင့် ကြငှန်းလည်းခံ၊ မက်ပေါင်းရံလျက် ပျော်စံရိပ်ငြိမ်၊ စိမ်းစည်မကွာ မင်းချမ်းသာကား သမုဒ္နရာ၊ ရေမျက်နှာထက် ခဏတက်သည့်၊ ရေပွက်ပမာ တစ်သက်လျာတည်း။ ကြင်နာသနား၊ ငါ့မအားသတ် ယခုလွှတ်လည်း၊ မလွတ်ကြမ္မာ လူတကာတို့၊ ခန္ဓာခိုင်ကျည် အတည်မမြဲဖောက်လွှဲတတ်သည် မချွတ်စသာ သတ္တဝါတည်း။ ရှိခိုးကော်ရော်၊ ပူဇော်အကျွန် ပန်ခဲ့တုံ၏၊ ခိုက်ကြုံဝိပါက် သံသာစက်၌်၊ ကြိုက်လတ်တွန်မူ တုံ့မယူလို၊ ကြည်ညိုစိတ်သန် သခင်မွန်ကို၊ ချန်ဘိစင်စစ် အပြစ်မဲ့ရေး၊ ခွင့်လျှင်ပေး၏ သွေးသည်အနိစ္စာ၊ ငါ့ခန္ဓာတည်း။ ။ (အနန ္တသူရိယအမတ်)

ဆရာဇော်ဂျီ၏ ညီသစ်ဆင်းကဗျာအမှတ်စဉ် ၆ ဂုဏ်အလှ ငါ့ညီပြောင်ဝင်း မောင်သစ်ဆင်း မင်း၏သားငယ် သက်နှစ်ဆယ်သည် ဘယ်ဂုဏ်မျိုးကိုကြိုက်သနည်း. . .။ ရွှေဂုဏ် ငွေဂုဏ် ရာထူးဂုဏ်သည် လူ့ဘုံလာက အကာမျှတည့် သူကငြူစူ မကြည်ဖြူ၍ ခွာယူလိုက ခွာ၍မရ။ ရိုးဂုဏ် ဖြောင့်ဂုဏ် ယဉ်ကျေးဂုဏ်သည် လူဘုံလောက နှစ်သာရတည့် သူကငြူစူ မကြည်ဖြူလည်း ခွာယာမရ ကွာမကျ။ ။ #ဇော်ဂျီ

သောကခြရာ (၁) သခင်. . . . မြင်စမ်းတော့လေ နေဆယ်စင်းကို၊ ရင်တွင်းလှောင်ပိတ် သော့ချိတ်ဆွဲခတ်၊ လှပ်မပြသာ။ ကြင်နှာနှောင်ရစ်၊ ချစ်သတဲ့လား စကားသည်လို ဆိုတတ်သည့်ငှက် ပြေးထွက်လေမှ သည်ဘဝတော့ နှုတ်အ ပြီပဲ၊ အသည်းသာရှိ အလွမ်းချည်းကျန်။ အစဉ် . . . ရင်ထဲပတ္တမြား၊ အလွမ်းကြားနစ် နှစ်ရှည်လကြား ရာသီသာပြောင်း ဟောင်းမယ်လို့များ ထင်သလားလေ သောကခြေရာ၊ ဝေဒနာပင် ရှင်မြဲ ရှင်နေ သခင်ကြည့်လှည့်မြင်တော်မူ မောင်စိန်ဝင်း(ပုတီးကုန်း)

ဂျို့စ်အဲဘတ်တို ပီပီ မူဂျီကာ ကော်နာဒို ကို ၁၉၃၅ ခုနှစ် မေလ ၂၀ ရက်နေ့မှာ ဖခင် ဖြစ်တဲ့ ဘက်စ်ကီးမျိုးရိုး စပိန်နိုင်ငံသား ဒီမီထရီရို မူဂျီကာနဲ့ မိခင်ဖြစ်တဲ့ အီတလီနိုင်ငံသူ ရွှေ့ပြောင်းလုပ်သား လပ်ကီးကော်နာဒို တို့က မွေးဖွားခဲ့ပါတယ်။ သမ္မတကြီး မူဂျီကာရဲ့ ဖခင်ဟာ လယ်သမားတစ်ယောက်ဖြစ်ပြီး ၁၉၄၀ခုနှစ် သူမသေဆုံးခင်မှာပဲ စီးပွားရေး ပျက်ကာ ကပ်ဆိုက် ယိုင်နဲှဲ့ခဲ့ရပါတယ်။ အဲဒီအချိန်တုန်းက သမ္မတကြီးဟာ ၅ နှစ်အရွယ် ပဲ ရှိသေးပါတယ်။ သမ္မတကြီး မိခင်ရဲ့ မိဘများကတော့ အလွန် ချို့တဲ့ ဆင်းရဲရှာတဲ့ ရွှေ့ပြောင်းအလုပ်သမားများဖြစ်ကြပါတယ်။ မူဂျီကာဟာ ဥရုဂွေးနိုင်ငံသား နိုငံရေးသမားတစ်ယောက်ဖြစ်ပြီး ဥရုဂွေးနိုင်ငံရဲ့ အယောက် (၄၀) မြောက် သမ္မတ တစ်ဦးဖြစ်ခဲ့ကာ ၂၀၁၀ မှ ၂၀၁၅ အထိ တာဝန်ယူခဲ့သူဖြစ်ပါတယ်။ ၁၉၇၀ နှစ်များနဲ့ ၁၉၈၀ နှစ်များအတွင်း စစ်အစိုးရအုပ်ချုပ်စဉ်က လက်နက်ကိုင် တော်လှန်ရေးခေါင်းဆောင်ဖြစ်ခဲ့တဲ့ သူဟာ ထောင် ၁၄ နှစ်ကျခံခဲ့ရပါတယ်။ လက်ဝဲယိမ်း ပါတီများ ညွှန်ပေါင်းအစိုးရအဖွဲ့ရဲ့ အဖွဲ့ဝင် တစ်ယောက်ဖြစ်ခဲ့တဲ့ မူဂျီကာဟာ ၂၀၀၅ ခုနှစ်မှ ၂၀၀၈ ခုနှစ်ထိ စိုက်ပျိုးမွေးမြူရေးနှင့် ရေလုပ်ငန်းဝန်ကြီးဌာန ဝန်ကြီးအဖြစ် တာဝန်ယူဆောင်ရွက်ခဲ့ပါ...